لعبة - ويروولف

ويروولف

اهل القرية يفتحون عيونهم بالنهار والذيابه تطاردهم بالليل!

الفكرة ببساطة

فيه قروييين و ذيابه ودكتور و عراف

كل لاعب بيجيه دورة بشكل عشوائي

القرويين يغمضون عيونهم اذا جاء الليل

والذيابه يفتحون عيونهم ويختارون مين يقتلون

الدكتور يقدر ينقذ القروي من محاولة القتل

العراف يقدر يسأل عن اي لاعب اذا هو ذيب او لا

كل احد يفتح عيونه اذا ( المعلق الصوتي او المشرف ) قال افتح للدور الفلاني ( الذيابه يفتحون عيونهم او يغمضون ) ، ( الدكتور يفتح عيونه او يغمص )

بعد ما يجي النهار، بتشوفون مين الذيابه قتلوا، يبدون القرويين يتناقشون عن مين الذيابه ويختارون يصوتون عليه ، اللي عليه اكثر عدد تصويت يطلع من اللعبة سواء كان قروي او ذيب وله الحق انه يبرر عن دوره

كيف نلعب ؟

بالبداية تحتاجون تكونون اقل شي 4 لاعبين الى 15 لاعب بالقيم الواحد

وتختارون اذا بتلعبون من جهاز واحد ولا كل واحد يسوي سكان لل QR كود من جوالة

( افضل تجربة اذا كل واحد من جوالة )

بالبداية بتطلع لكم الإعدادات

المضيف يكتب اسمه فوق

وتختارون دور اللعبة ( اذا تبون المضيف هو اللي يعطي تعليمات ) مثل الذيابه يفتحون عيونهم، القرويين يغمضون وكذا ، او تبون اللعبة من المذيع الداخلي يقول التعليمات

بعدها تختارون عدد الذيابه بالقيم

وتختارون اذا بتفعلون الدكتور ( اللي ينقذ اللاعبين )

او العراف ( اللي يسأل عن الويروولف )

واكيد عندنا ادوار اضافية اذا ودكم تفعلونها بس لازم تزيدون عدد اللاعبين وعشان تفعلون كل الادوار ( الاساسية والاضافية ) لازم تكونون اقل شي 7 لاعبين

الصياد : اذا مات بتصويت او من الذيابه ياخذ معه لاعب يختاره خلال ٨ ثواني

الحارس : يقدر يحرس لاعب ويمنع انه يموت من الذيابه ، واذا الذيابه اختارت اللاعب اللي يحرسه يموت الحارس بداله

الساحرة : عندها تعوذتين 2 كل لعبة تنقذ اي لاعب او تقتل اي لاعب مرة وحده كل لعبة

اذا بتلعبون كل واحد من جهازه بيطلع لكم ال QR كود عشان تدخلون الروم

كل لاعب يسوي له سكان من جواله ويكتب اسمه وينضم

اذا دخلتوا كلكم بتطلع اسمائكم و تقدرون تبدون اللعبة

بعدها كل لاعب بيطلع له دورة من جهازه

بعد ما كل لاعب يعرف دوره

يبدا النداء

الليل حل على القرية ، الجميع يغمض عينيه

( الويروولفز، القرويين، الدكتور ، العرف ، الكل )

الويروولفز يفتحون أعينهم... تعرّفوا على إخوتكم

( اذا مختارين اكثر من ذيب )

الويروولفز يفتحون أعينهم - اتفقوا على فريسة الليلة

( هنا الذيابه يتفقون مين يتقلون )

الطبيب يفتح عينيه - اختر لاعباً لتحميه الليلة.

( الدكتور يختار مين يحمي )

الطبيب يغمض عينيه

العراف يفتح عينيه

العراف يسأل عن لاعب ( يشوف اذا اللاعب اللي اختاره ذيب ولا لا )

العراف يغمض عينيه

النهار جاء الجميع يفتح عينيه

( هنا كل اللاعبين يفتحون عيونهم ، ذيابه، قرويين، دكتور ، عراف ، الخ… )

بيعلن المشرف/المعلق الصوتي ( حسب اللي اخترتوه ) اذا محاولة القتل ناجحة او فاشله

الفجر اقترب. تكلموا - من تشتبهون فيه أنه ويروولف ( ذيابه ) ؟

بعد النقاش ( كل لاعب يصوت على مين يتوقع انه وييروولف )

اللي انقتل يطلع من اللعبة ما له حق يتناقش

هل لازم كل اللي بالقعده يحملون/يشترون اللعبة ؟

لا، اذا واحد مشتريها يكفي

بعد ما اشتريت اللعبة كيف ادخلها ؟

بيجيك ملف PDF فيه طريقة تفعيل اليوزر عن طريق موقعنا او من تطبيقنا ( جمعات أصيل ) على ال الاب ستور

لازم تستخدم نفس رقم الجوال الموجود بحسابك ب سلة لان التفعيل تلقائي

بعدها بتدخل موقعنا وتحصل اللعبة موجودة وتقدر تلعبها عدد مرات لا نهائي

معلومات مهمة قبل الشراء

كل الالعاب تحتاج إتصال نت عشان تلعبون

الحساب الواحد يمديك تسجل فيه بجهازين

الدعم متوفر عن طريق الواتس اب لاي استفسار قبل او الشراء