لعبة - مافيا

المافيا

ليل ونهار، نقاش وتصويت، اللي بيكمل حي يفوز

الفكرة ببساطة

فيه مواطنين ، وفيه مافيا و فيه دكتور و فيه محقق

كل لاعب بيجيه دوره بشكل عشوائي

المواطنين اذا يغمضون عيونهم اذا جاء الليل

المافيا يفتحون عيونهم ويختارون مين يقتلون

الدكتور يقدر ينقذ مواطن من محاولة القتل

المحقق يقدر يسأل عن اي لاعب اذا هو مافيا او لا

كل احد يفتح عيونه اذا المعلق الصوتي قال افتح للدور الفلاني ( المافيا يفتحون عيونهم او يغمضون ) ، ( الدكتور يفتح عيونه او يغمص )

بعد ما يجي النهار، بتشوفون مين المافيا قتل، يبدون المواطنين يتناقشون عن مين المافيا ويختارون يصوتون عليه ، اللي عليه اكثر عدد تصويت يطلع من اللعبة سواء كان مواطن او مافيا وله الحق انه يبرر عن دوره

كيف نلعب ؟

بالبداية تحتاجون تكونون اقل شي 4 لاعبين الى 15 لاعب بالقيم الواحد

وتختارون اذا بتلعبون من جهاز واحد ولا كل واحد يسوي سكان لل QR كود من جوالة

( افضل تجربة اذا كل واحد من جوالة )

بالبداية بتطلع لكم الاعدادات

المضيف يكتب اسمه فوق

وتختارون دور اللعبة ( اذا تبون المضيف هو اللي يعطي تعليمات ) مثل المافيا يفتحون عيونهم، المواطنين يغمضون وكذا ، او تبون اللعبة من المذيع الداهلي تقول التعليمات

بعدها تختارون عدد المافيا بالقيم

وتختارون اذا بتفعلون الدكتور ( اللي ينقذ اللاعبين )

او المحقق ( اللي يسأل عن المافيا )

،

واكيد عندنا ادوار اضافية اذا ودكم تفعلونها بس لازم تزيدون عدد اللاعبين وعشان تفعلون كل الادوار ( الاساسية والاضافية ) لازم تكونون اقل شي 7 لاعبين

مافيا التسكيت

لازم يكون فيه اقل شي 2 مافيا، ويقدر يختار مين يسكت من المواطنين ف ما راح يقدر يناقش

الصياد

بيصير له دور انه يفتح عيونه ويختار يقتل اللي يتوقع او يشتبه انه مافيا

المجنون

اذا صوتوا عليه المواطنين وشكوا انه مافيا، يقدر يسحب معه لاعب يختاره خلال 8 ثواني

شيخ المواطنين

يقدر يكشف نفسه بالنقاش اذا الكل فاتح عيونه ويقول ( انا شيخ المواطنين )

وصوته بينحسب على انه صوتين، بس انه راح يفضح نفسه للمافيا لانه بيكون هدف لهم

يمديكم تختارون الادوار الاساسية او اذا ودكم تختارون الادوار الاضافية قبل تبدون اللعبة

اذا بتلعبون كل واحد من جهازه بيطلع لكم ال QR كود عشان تدخلون الروم

كل لاعب يسوي له سكان من جواله ويكتب اسمه وينضم

بعد ما تنضمون تقدرون تبدون اللعبة وبيطلع لكل لاعب دوره

بعد ما كل لاعب يعرف دوره

يبدا النداء

الليل جاء

الجميع يغمضون عيونهم

( المافيا ، والمواطنين ، الدكتور ، المحقق ، الجميع )

المافيا يفتحون عيونهم ( او اذا واحد يفتح عيونه )

يختار مين يقتل

المافيا يغمضون عيونهم

الدكتور يفتح عيونه

( يختار مين ينقذ ، اذا اللي اختاره انقتل )

الدكتور يغمض عيونه

المحقق يفتح عيونه

( يسأل عن لاعب اذا هو مافيا او لا )

المحقق يغمض عيونه

النهار جاء ( الجميع يفتحون عيونهم )

بعدين يعلن المشرف ( اذا محاولة القتل ناجحه ولا فاشله )

ويبدا النقاش عن مين كان المافيا،

اللاعب المقتول يطلع من اللعبة ولا يحق له يناقش

بعد النقاش كل لاعب يصوت عن مين يتوقع المافيا ( حتى المافيا نفسه يقدر يتناقش )

وكل لاعب يحق له يبرر قبل يتثبت التصويت عليه،

اللاعب اللي عليه اكثر عدد اصوات يطلع من اللعبة سواء كان مافيا صدق ولا لا

وتلعبون الجولات لين تخلصون على المافيا ويفوزون المواطنين

او المافيا يخلصون على كل المواطنين

هل لازم كل اللي بالقعده يحملون/يشترون اللعبة ؟

لا، اذا واحد مشتريها يكفي

بعد ما اشتريت اللعبة كيف ادخلها ؟

بيجيك ملف PDF فيه طريقة تفعيل اليوزر عن طريق موقعنا او من تطبيقنا ( جمعات أصيل ) على ال الاب ستور

لازم تستخدم نفس رقم الجوال الموجود بحسابك ب سلة لان التفعيل تلقائي

بعدها بتدخل موقعنا وتحصل اللعبة موجودة وتقدر تلعبها عدد مرات لا نهائي

معلومات مهمة قبل الشراء

كل الالعاب تحتاج إتصال نت عشان تلعبون

الحساب الواحد يمديك تسجل فيه بجهازين

الدعم متوفر عن طريق الواتس اب لاي استفسار قبل او الشراء